Үш ұлдан кейін үшем қыз босанды

Еңбек ауылының тұрғыны Сымбат Шарапиева Әдия, Айша, Әсел есімді үшемді дүниеге әкелді. Облыстық аурухананың перинаталдық орталығында бір айдай күтімде жатқан батыр ана аман-есен босанып, перзентханадан шықты.

Үшемдерін үлбіретіп құша­ғына алған Сым­батты перзентхана алдында облыс әкімінің орынбасары Гүлбарам Мұсағазина, ерлі-зайыпты Дәурен мен Сымбат­­тың ағайын-туыс, жора-жолдас­тары, журналистер күтіп алды. Әкім орынбасары үшемдердің ана­­сына көрімдік деп 1 млн теңгенің ­сертификатын берді.

Дәрігерлердің айтуынша, Қостанай перзентханасында ке­йінгі он жылдың көлемінде осымен 14 үшем дүниеге келіп отыр. Үш нәрестенің екеуінің салмағы – 2600, біреуінікі – 2300 грамм.

«Үш ұлымыз бар, үлкені – 10, ортаншымыз – 8, одан кішісі – 4 жаста. Енді бір қыз берсе ғой деп армандайтынбыз. Дәрігерден үшемге жүкті екенімді естігенде қайран қалғаным сонша, не істе­рімді білмедім. 23 күн ауруханада жаттым. Дәрігерлердің арқа­сында жанымыз қалып, үшем сүйдік. Бақыт деген осы шығар», дейді көпбалалы ана Сымбат Шарапиева.

Көпшілік нәрестелердің ата-анасын жан-жақтан қаумалап жарыса құттықтасып, гүл ұсы­нып жатқанда, үшемдердің әже­сі Ғалия Шарапиева жалғыз өзі шеттеу жерде ойға батып тұр­ды. Әжейді әңгімеге тартып, «Келі­ніңіз үш бірдей нәресетені өмір­ге әкеліп жатыр. Мұндайда қуан­байсыз ба?» дедік.

«Қуанамын ғой, қуанбағанда ше, құдайдың бергеніне шүкір деймін! Балаларым осы қаладан 25 шақырым жерде бір бөлмелі тар үйде қысылып-қымтырылып тұрып жатыр. Ауылда газ-су бар, бірақ бұларда жоқ. Өсіп келе жатқан үш баласы бар еді, тағы үш қызымыз өмірге келді. Енді осы нәрестелерді қайда алып барарымды ойлап, мұңайыңқырап тұрмын. Өзімнің де үйім тар. Келінім бірталай жылдан бері баладан ұзап шыға алмай, үйде отыр. Ұлым Қостанайға келіп-кетіп жұмыс істеп жүр. Таңертең кет­кеннен кешке бір-ақ келеді. Осындағы диірменнің бірінде ұн тиейді. Енді қалай болаты­нын білмеймін», деді үшемнің әжесі.

Жүрегін бірде қуаныш кернеп, бірде мұң торлаған зейнеткерді «Бір реті болар, қамықпаңыз», деп жұбатқан болдық.

Осыдан бірнеше жыл бұрын Меңдіқара ауданындағы Харьков ауылында өмірге келген Нико­лай, Евгений, Виолетта есімді үшемдердің анасына жергілікті агрофирманың басшысы Еркін Бұқанов еңсесі биік, кең бас­пана тарту етіп, үшемнің анасы ай са­йын алып тұратын 100 мың тең­ге көлеміндегі қаржылай көмек тағайындаған еді. Одан кейін, 2024 жылы Қостанайда Айару, Ардан, Арлан есімді үшемдер дүниеге келді. Ол кезде де қала әкімі Марат Жүндібаевтың өзі қалбалақтап жүгіріп келіп, көп­балалы ананың қолына ішінде үш бөлмелі пәтер кілті бар қы­зыл барқыт қорапшаны ұстатып кеткені есімізде.

«Бір қозы туса, бір түп жусан артық шығады», әр баланың өз несібесі бар, бәлкім, үш ұл­дан кейін үшем дүниеге келген Шара­пиевтер отбасына да қол­ұшын созып, шарапатын тигі­зетін жанашыр азаматтар табылып
қалар.

Қостанай облысы 

Соңғы жаңалықтар

Банктер кәсіпкерлерге 20 трлн теңге несие берді

Банк • Бүгін, 13:00

Бірінші сынып оқушыларына қосымша қысқы демалыс беріледі

Мектеп • Бүгін, 12:55

Бүгін XXV қысқы Олимпиаданың салтанатты ашылу рәсімі өтеді

Спорт • Бүгін, 12:49

Қазақстан 60 маңызды минералдың 20-сын экспортқа шығаруға дайын

Қазақстан • Бүгін, 12:22

Түркістан облысында алып сәби дүниеге келді

Аймақтар • Бүгін, 12:15

Қазақстанның Азаматтық альянсы конституциялық реформаны қолдады

Ата заң • Бүгін, 12:06

Петропавлда бір ғана шағын ауданнан 15 наркограффити жойылды

Аймақтар • Бүгін, 11:58

Құлсарыда мектепке балтамен келген 10-сынып оқушысы қамауға алынды

Оқиға • Бүгін, 11:48

Халық тұтынатын көмір 9%-ға қымбаттады

Қоғам • Бүгін, 11:35

Бадам өзеніндегі балықтардың жаппай қырылуына не себеп болды?

Экология • Бүгін, 11:28

Жасанды интеллект отандық өнеркәсіпті қалай өзгертеді?

Жасанды интеллект • Бүгін, 11:18

Барлық сатылым үшін кешбэк: Қай банктер жомарттық танытады?

Қоғам • Бүгін, 11:08

Тауар өндірушілер тізіліміне өтінім қабылдау жалғасып жатыр

Digital • Бүгін, 10:59

Әлеуметтік зерттеу: Қазақстан халқының 85%-ы жаңа Конституция жобасын қолдады

Ата заң • Бүгін, 10:45

Банктер туралы жаңа заңға байланысты депозиттерге кепілдік беруде не өзгереді?

Банк • Бүгін, 10:32

Барлық жаңалықтар