Үтік және қызған шанышқы Шымкентте анасы балаларын аяусыз қинағанын мойындады

Шымкентте өз балаларына жүйелі түрде зорлық-зомбылық көрсетті деп айыпталған әйелге қатысты сот процесі жалғасып жатыр. Биылғы қаңтарда әлеуметтік желілерде тараған қатыгездік бейнежазбасы қазақстандықтардың жағасын ұстатқан болатын, деп хабарлайды Tengrinews.kz жергілікті Otyrar басылымына сілтеме жасап.

Шымкентте өз балаларына жүйелі түрде зорлық-зомбылық көрсетті деп айыпталған әйелге қатысты сот процесі жалғасып жатыр. Биылғы қаңтарда әлеуметтік желілерде тараған қатыгездік бейнежазбасы қазақстандықтардың жағасын ұстатқан болатын, деп хабарлайды Tengrinews.kz жергілікті Otyrar басылымына сілтеме жасап.

Балалар зорлық-зомбылық туралы айтып берді

Сот отырысы барысында бейнежазбалар зерттеліп, кәмелетке толмаған балалардан жауап алынды. Балалардың айтуынша, анасы оларды ұрып-соғып, қызған заттармен денелерін күйдірген және өмірлеріне қауіпті жаза түрлерін қолданған.

Сотталушы өз кінәсін жоққа шығарған жоқ. Сотта оның тергеу кезінде берген жауаптары оқылды.

— Тергеу барысында берген жауаптарыңызды растайсыз ба? Мұнда сіз ашу үстінде шанышқыны газға қыздырып, онымен Махмұдтың аузын күйдіргеніңізді жазғансыз. Растайсыз ба?

— Иә, растаймын.

— Сондай-ақ, Махмұдтың темекі шегіп жатқанын көріп, үтікті қосып, оны қыздырып, баланың бетін, бөксесі мен ішін күйдіргеніңізді көрсеткенсіз. Растайсыз ба?

ҚАЗІР ТАЛҚЫЛАНЫП ЖАТЫР

Министр Қазақстандағы курьерлер мен такси жүргізушілері үшін алаңдатарлық болжам айтты

27 сәуір 18:41 1

Қазақстанның Халық жазушысы Мұхтар Шаханов өмірден өтті

19 сәуір 22:47 1

Медалін шешуді ұмытып кеткен қазақстандық спортшы әуежайда қызық жағдайға тап болды

29 сәуір 08:10 1

— Растаймын.

Балалар қамқорлыққа алынды

Сотталушының бұрынғы енесі сотта әйелді кешіретінін айтты. Соған қарамастан, қылмыстық істі қарау жалғасып жатыр.

Сотталушы кінәсін мойындап, өкінетінін жеткізді.

Үтік, қызған шанышқы және мұздай су

Еске сала кетейік, қаңтарда әлеуметтік желілерде денелері көгеріп, күйік шалған балалардың видеосы тараған болатын

Балаларға үйде қалай қарайтыны туралы шындық олардың 9 және 11 жастағы екеуі мектепке бармай қойғаннан кейін ашылды. Отбасына педагогтер барып, балалардың жантүршігерлік күйін көрген соң, полицияға хабарласқан.

Сол кезде 29 жастағы әйел ұсталған болатын. Кейін сот әйелдің ата-ана құқығын шектеді.