​Венесуэлалықтар АҚШ ықпалына қарсы шеруге шығып, Мадуроны қолдады

Каракаста мыңдаған венесуэлалықтар «Азат етуші Симон Боливардың туы мен қылыш шеруі» атты маршқа қатысып, Кариб аймағындағы АҚШ әскери қатысуына қарсы наразылықтарын көрсетті. Қатысушылар алып Венесуэла туын көтеріп, Николас Мадуроны қолдаған ұрандар айтты, деп хабарлайды АА.

Шеруге полиция қызметкерлері, әскерилер, халық жауынгерлері және қарапайым тұрғындар қатысты. Олар АҚШ ықпалына қарсы бірлік танытып, елдің тәуелсіздігін қорғауға дайын екендіктерін білдірді.

Венесуэла Ішкі істер министрі Диосдадо Кабельо халық күннен күнге бірігіп, өз құқықтарын қорғауға белсенді болып келе жатқанын атап өтті. «Империализм қаупі мен әлемді басқаруды көздейтіндердің шабуылдары күшейді. Олар Венесуэланың табиғи ресурстарын иеленгісі келеді», – деді министр.

Бұған дейін АҚШ Cartel de los Soles ұйымын шетелдік террористік ұйымдар тізіміне енгізген, оны Мадуро мен жоғары лауазымды венесуэлалық шенеуніктермен байланыстырған. Венесуэла бұл қадамды ішкі істерге араласу деп бағалады.

Сонымен қатар, әлемдегі ең ірі әуе кемесі USS Gerald R. Ford және оған қосылған соққы топтары Латын Америкасына «нашақорлыққа қарсы күрес» сылтауымен жіберілді. Президент Мадуро 4,5 миллион халық жауынгерін мобилизациялап, кез келген шабуылға дайын екенін мәлімдеді.

Бүгін, 13:16