Зейнетақы жүйесіне өзгерістер енгізіледі: 5 маусымнан бастап не өзгереді?

Фото: istockphoto.com

Жаңа ережеге сәйкес, зейнетақы шотында қалуы тиіс ең төменгі сома айтарлықтай артуы мүмкін. Бұл өз кезегінде азаматтардың зейнетақы жинақтарын алу мүмкіндігін шектейді.

Бірыңғай жинақтаушы зейнетақы қоры (БЖЗҚ) жаңа шектерді әдістеме күшіне енгеннен кейін үш жұмыс күні ішінде жариялауы тиіс. Болжам бойынша, жеткіліктілік шегі 5-7 маусым аралығында белгілі болады.

Жеткіліктілік шегі қалай есептеледі?

Бұрынғы есептеу жүйесі азаматтың болашақ жарналарын ескеруге негізделсе, жаңа тәсіл зейнетке шыққаннан кейін өмір бойы төленетін төлемдерді қамтамасыз етуге қажетті соманы есептеуге бағытталған.

Есептеу кезінде инвестициялық табыстылық, жыл сайынғы индексация, азаматтың жасы, өмір сүру ұзақтығы және зейнетақы алу мерзімі сияқты факторлар ескеріледі. Мамандардың айтуынша, бұл өзгеріс әсіресе жастар үшін қолжетімді қаражат көлемін азайтуы мүмкін.

Зейнетақы қаражатын қалай тексеруге болады?

Азаматтар өз зейнетақы жинақтарын eGov Mobile қосымшасы, БЖЗҚ жеке кабинеті немесе eGov порталы арқылы тексере алады.

Зейнетақы қаражатын пайдалану үшін арнайы шот ашу қажет. Өтінім enpf-otbasy.kz платформасы арқылы беріледі. Қаражат тұрғын үй сатып алу, ипотеканы өтеу, алғашқы жарна, емделу немесе тұрғын үй депозитін толықтыру мақсатында қолданылуы мүмкін.

«Конверттегі жалақы» зейнетақы мен жәрдемақыға қалай әсер етеді?

Сонымен қатар, зейнетақы жинақтарының бір бөлігін жақын туыстарға беру мүмкіндігі қарастырылған. Яғни азаматтар ата-анасы мен  балаларына, жұбайы мен бауырларына немесе ата-әжесі мен немерелеріне зейнетақы қаражатын аудара алады.