Жамбыл облысында жүкті әйел токсикозды емдеп, мүгедек болып қалды

Жамбыл облысында сот аудандық аурухананы ерте токсикозды емдегеннен кейін жағдайы күрт нашарлаған пациентке өтемақы төлеуге міндеттеді. Медицина қызметкерлері тарапынан анықталған заңбұзушылықтардан кейін әйелдің жүктілігі тоқтатылып, оған ІІІ топтағы мүгедектік тағайындалды, деп хабарлайды TengriHealth.

Жамбыл облысында сот аудандық аурухананы ерте токсикозды емдегеннен кейін жағдайы күрт нашарлаған пациентке өтемақы төлеуге міндеттеді. Медицина қызметкерлері тарапынан анықталған заңбұзушылықтардан кейін әйелдің жүктілігі тоқтатылып, оған ІІІ топтағы мүгедектік тағайындалды, деп хабарлайды TengriHealth.

Не болды?

Жамбыл облысының тұрғыны жүктіліктің 10-аптасында аудандық ауруханада "ерте токсикоз" диагнозымен емделген.

Алайда, соттың анықтауынша, оған медициналық көмек толық көлемде және клиникалық хаттамаларға сәйкес көрсетілмеген.

Ауруханадан мерзімінен бұрын шығарылғаннан кейін әйелдің жағдайы күрт нашарлап, ол жедел түрде облыстық ауруханаға жеткізілген. Онда медициналық көрсеткіштер бойынша дәрігерлер жүктілікті тоқтату туралы шешім қабылдаған. Кейінірек оған ІІІ топтағы мүгедектік белгіленген.

Заңбұзушылықтарды тексеріс анықтады

Медициналық мекемені тексергеннен кейін медициналық және фармацевтикалық бақылау департаменті медицина ұйымы тарапынан келесі заңбұзушылықтарды анықтады:

клиникалық хаттамалардың сақталмауы; тексерулер мен емдеудің жеткіліксіз көлемі; бейінді мамандар консультациясының болмауы; медициналық құжаттаманың тиісінше жүргізілмеуі.

Нәтижесінде аурухана әкімшілік жауапкершілікке, ал дәрігерлердің бірі тәртіптік жауапкершілікке тартылған.

Сот шешімі

Сот заңбұзушылықтар мен пациенттің жағдайының нашарлауы арасында тікелей байланыс бар деген қорытындыға келіп, келтірілген зиянды өтеу туралы талапты негізді деп таныған.

Қорытындысында ауруханадан пациенттің пайдасына келесі сомалар өндірілді:

материалдық шығын үшін 246 мың теңге; 5 миллион теңге - моральдық зиян өтемақысы;
300 мың теңге - өкілдің шығындары.

Сот шешімі заңды күшіне енді.

Бұған дейін Ақмола облысында сот алқасы ерлі-зайыптылар мен олар үшін суррогат ана болуы тиіс болған, бірақ қайта ұрықтандыру процедурасына келмеген әйел арасындағы дауды қарағаны хабарланған болатын.

Google News арқылы жаңалықтарымызды қадағалаңыз

Жазылу

Жамбыл облысы

жүкті әйел

жүктілік

Денсаулық