Жан дүнием қырық бөлік... Танымал әнші Наркенже Серікбаева әсерлі жазба жариялады

Әнші Наркенже Серікбаева әлеуметтік желідегі жазбаларымен көпшіліктің назарын аударды, деп хабарлайды Arasha.kz.

Өнер иесі жариялаған ой-толғамдарында ана болудың жауапкершілігі мен өмір жолындағы сынақтарға тоқталған. Ол ана ретіндегі міндеттің қандай жағдай болмасын алдыңғы орында тұратынын атап өтті.

"Жан дүнием қырық бөлікке бөлінсе де, ертеңіне қайта тік тұруға міндеттімін. Өйткені мен – анамын", – деп жазды әнші.

Сондай-ақ тағы бір жазбасында ол өмірдің өткіншілігі мен адам баласына берілетін сынақтардың мәні жайлы ой өрбітті.

"Бұл дүние – сынақ пен сабаққа толы. Әр күн – жаңа мүмкіндік. Дүние өтеді, ал жүректе қалған із мәңгі сақталады", – деді Наркенже Серікбаева.