Жаңа туған сәбилерді Қазақстаннан әкетуге тырысқан шетелдіктер ұсталды

АСТАНА, 1 желтоқсан – Sputnik. Алматы әуежайында суррогат аналардан туған сәбилерді Қазақстаннан әкетуге тырысқан шетелдіктер ұсталды, деп хабарлайды Sputnik Қазақстан полицияға сілтеме жасап.

11 қараша күні Алматы халықаралық әуежайында екі отбасы суррогат аналардан туған жаңа туған сәбилерді алып, Қазақстаннан кетіп бара жатқан кезде ұсталған. Олардың қолында балалардың құжаты болғанымен, шекарадан өтуге рұқсат берілмеді.

"Аталған дерек бойынша Алматы қаласы полиция департаментінің тергеу басқармасы ҚР ҚК 135-бабы 1-бөлігі (кәмелетке толмаған балаларды саудалау) бойынша қылмыстық іс қозғады", - деп жазылған хабарламада.

Тергеу аясында істің барлық мән-жайын толық, объективті және жан-жақты зерттеуге бағытталған ҚР ҚПК-нің 24-бабының талаптары сақталады.

ҚР ҚПК 201-бабына (сотқа дейінгі тергеп-тексеру деректерін жария етуге тыйым салу) сәйкес, сотқа дейінгі тергеудің өзге мәліметтері жария етілмейді.