Жаңбыр барлық жерде бола бермейді Астана мен Алматы үшін ауа райы болжамы өзгерді

"Қазгидромет" Астана мен Алматы қалалары бойынша алдағы үш күнге арналған ауа райы болжамын ұсынды. Мегаполистерде 24, 25 және 26 қыркүйекте ауа райы қандай болатыны Tengrinews.kz материалында.

Қазақстанның екі ірі қаласында ауа райы болжамы өзгерді. Алматыда синоптиктер бұған дейін 25 қыркүйекке болжаған жаңбыр мен найзағай енді болмайды. Ал Астанада жауын-шашын болады - жаңбырмен бірге қатты жел соғады деп болжанады.

24 қыркүйек аздаған бұлтты, жауын-шашынсыз. Солтүстік-шығыстан соғатын желдің жылдамдығы түнде секундына 2-7, күндіз 5-10 метр. Ауа температурасы түнде +5...+7 градус, күндіз +19...+21 градус жылы.

25 қыркүйекте ауыспалы бұлтты, таңертең және күндіз жаңбыр жауады. Солтүстік-шығыстан соғатын желдің жылдамдығы 9-14, күндіз екпіні секундына 15-20 метр. Ауа температурасы түнде +8...+10 градус, күндіз +13...+15 градус жылы.

26 қыркүйекте ауыспалы бұлтты, жауын-шашынсыз. Солтүстік-шығыстан соғатын желдің жылдамдығы 9-14, екпіні секундына 15-20 метр. Ауа температурасы түнде +4...+6 градус, күндіз +11...+13 градус жылы.

24 қыркүйек аздаған бұлт шығады, жауын-шашынсыз. Солтүстік-шығыстан соғатын желдің жылдамдығы 3-8 метр/секунд. Ауа температурасы түнде +12...+14 градус, күндіз +25...+27 градус жылы болады.

25 қыркүйек ауыспалы бұлтты, жауын-шашынсыз. Солтүстік-шығыстан соғатын желдің жылдамдығы секундына 3-8 метр. Ауа температурасы түнде +12...+14 градус, күндіз +23...+25 градус жылы.

26 қыркүйекте ауыспалы бұлтты, жауын-шашынсыз. Солтүстік-шығыстан соғатын желдің жылдамдығы секундына 3-8 метр. Ауа температурасы түнде +11...+13 градус, күндіз +21...+23 градус жылы.

Бұған дейін синоптиктер Қазақстандағы жылы ауа райы жақын арада күзгі суыққа ұласатынын хабарлаған болатын. Таяу күндері елімізде жаңбыр жауып, найзағай ойнап, қатты жел соғады, ал солтүстік өңірлерде түнде үсік жүруі мүмкін. Толығырақ осы жерден оқыңыз.

Бізді Google-дың негізгі дереккөздер тізіміне қосыңыз