​​Жазықсыз адамдарды өлтірдім деп ойламаймын : Сәрсемалиев сотта жауап беруді жалғастырды​​​

Жангелдин ауылында төрт адамды өлтіру ісі бойынша сотта Сұлтан Сәрсемалиевтен жауап алу жалғасты. Айыпталушы қылмыстан кейін не себепті Индонезияға жасырынғанын, шетелде қандай қаражатқа өмір сүргенін және бүгін өз әрекеттерін қалай түсіндіретінін айтты.

«Неге нақты Индонезияға қаштыңыз?» деген сұраққа Сәрсемалиев «арзан мемлекет болғасын» деді. “Ақбаянды жалғыз тастап кете алмадым” деді ол.  

Судья Сәрсемалиевтен бұған дейін тараған ақпаратты — оның Индонезияда мешіт маңында қайыр-садақа сұрап жүргені туралы мәліметті нақтылады. Ол “жоқ”, деп жауап берді. Алайда ол ақшасы таусылған кезде мешіт жақтан бір қазақ жігітін кездестіріп, көмек ретінде 20 мың теңге сұрағанын айтты.

Ол Индонезияға билетті 300 мың теңгеге сатып алған, сол елде қалтасында 200 мың теңгеге болғанын айтты. 

“Ақбаян мүлде есін білмей ме, ата-анасын, баласын сұрамай ма? деген сұраққа Сәрсемалиев “ақылы кіресілі-шығасылы, сұрамады” деді. 

Содан соң судьян «неге марқұмдарға көп пышақ салдыңыз?» деп сұрады. 

- Жерге құлағанша салдым, - деді Сәрсемалиев. 

Ол кезде үш жасар қызы, Мейрамгүл, Ақбаян болғанын айтты. Айыпталушының айтуынша, Нәсіп Өтешқалиеваға пышақ сұққан кезде дыбыс шығармаған.

Қайын атасы мен енесін өлтірген соң пайдаланған ыдыстарды жуып, жарға шашыраған қанды балтамен қырып, кетіргенін айтты. Су, газ есептегіштердің суретін өзі түсіргенін де мойындады.

Енесінің алтындарының қайда тұрғанын Мейрамгүл айтқанын жеткізді.

Тергеу кезінде табылған балтаның қылмысқа қатысы жоқ екенін мәлімдеді.

Жауап алу барысында ол қылмысты алдын ала жоспарламағанын бірнеше рет қайталап айтты.

- Қылмысты қатты ақылға салған жоқпын, жүрекпен жасадым,- деді.

Ол өз сөзінде «психологпен сөйлескенде де адамдарды өлтіргеніне байланысты сұраққа түнде түс көру, ұйықтай алмау жоқ деп жауап бердім» деді. «Жазықсыз адамдар болса, мүмкін маза бермес еді» деген ойын жеткізді.

- Жазықсыз адамдарды өлтірдім деп ойламаймын, - деген оған судья «үйден шықпайтын, өзімен өзі жүретін кішкентай Мейрамгүлдің не жазығы бар еді?» деп сұрады. 

Сәрсемалиев «бұған бір жақты баға беруге болмайды» деді.

Мейрамгүлдің өліміне қатысты Сәрсемалиевтың “Бір істеген соң істей береді екенсің” деп, тергеуде берген жауабы туралы судья сұрады. Ол үйреніп қалған істі істей беру туралы бұл сөзін растады.

Сәрсемалиевтің айтуынша, трагедияның себебі - бұрынғы жұбайының отбасымен ұзақ жылдар бойы жалғасқан жанжалдар.

- Мақсат – мені отбасымнан айырып, балаларымнан ажырату болды. Мен барынша күрескім келді, — деді ол.

Соттың «өлтіруден кейінгі жоспарларыңыз қандай болды?» деген сұрағына Сәрсемалиев ешқандай жоспар құрмағанын, бәрінің немен аяқталатынын түсінгенін айтты. Ол ұсталған кезде қарсылық көрсетпегенін де растады.

Айнұр САПАРОВА

Сурет пен видеоны түсірген автор

Бүгін, 15:15