115 000 электрлі көліктің қауіпті ақауы табылып, кері қайтарылуда

Aikyn.KZ парақшасынан алынған ақпаратқа сәйкес, Qazaq24.com хабарлайды..

Reuters-тің хабарлауынша қытайлық электр көліктерінде техникалық ақаулар анықталған. Aikyn.kz кері қайтарудың техникалық себептері мен оларды түзету жолдарын түсіндіреді.

Кері қайтару көліктің конструкциясындағы кемшіліктер мен қауіпті аккумуляторға байланысты қабылданған. Фото autoevolution.com сайтынан алынды

Қытайдың ірі автокөлік өндірушісі BYD өзінің тарихындағы ең ауқымды кері қайтару науқанын жариялады. Компания 2015 пен 2022 жылдар аралығында шығарылған Tang және Yuan Pro сериясындағы 115 000-нан астам автокөлікті кері қайтарады. Қиын шешім құрылымдық кемшіліктер мен аккумулятор қауіпсіздігіне қатысты тәуекелдерге байланысты қабылданған. Бұл туралы Қытайдың Нарықты реттеу жөніндегі мемлекеттік басқармасы жариялаған.

BYD 2015 жылдың наурызынан 2017 жылдың шілдесіне дейін шығарылған 44 535 Tang сериялы көліктерді кері қайтару жоспарын ұсынған. Реттеушінің айтуынша, бұл модельдерде жекелеген құрылымдық элементтердің ақауы байқалып, олардың дұрыс жұмыс істеуіне кедергі келтіруі мүмкін.

Сонымен қатар, компания 2021-2022 жылдың тамызына дейін шығарылған Yuan Pro үлгісіндегі 71 248 электромобильді аккумулятор орнату кезіндегі өндірістік ақауларға байланысты қайтарып жатыр. Бұл – 2024 жылы BYD жүргізіп отырған бірнеше кері қайтару шараларының бірі.

2025 жылдың қаңтар айында компания 6843 Fangchengbao Bao 5 гибридтік жол талғамайтын көлігін өртену қаупіне байланысты кері қайтарған болатын. Ал 2024 жылдың қыркүйегінде BYD шамамен 97 000 Dolphin және Yuan Plus электромобилін рульдік басқару блогындағы ақау себебінен қайтарып алған. Анықталған ақаулардың барлығы өрт шығу қаупін туғызған.

Қазақтар сатып алған BYD көліктерінде ақау анықталса қайда барады?

Қазақтар сатып алған BYD көліктерінде конструкциялық ақау немесе аккумулятор проблемалары болған жағдайда не істеу керек? Біріншіден, ресми дилерге немесе сервис орталығына жүгіну керек. BYD-ының Қазақстандағы ресми дистрибьюторы мен сервис орталықтары бар. Алматыда BYD Al-Farabi дилері немесе Астанада BYD Turan сервис орталығы бар. Осы орталықтарға барып, көлігіңіздегі ақауды ресми түрде жазып, диагностикаланған қызмет талап етуге болады.

Сараптама, зерттеу мақала, күнделікті өзекті ақпаратты «Айқынның» TELEGRAM арнасынан табасыз.

Маңызды жаңалықтар мен жаңартуларды өткізіп алмау үшін Qazaq24.com сайтын қадағалаңыз.