2025 жылы батыстың Украинаға берген қаржылық көмегі рекордтық деңгейге жетті

АЛМАТЫ, 3 қаңтар - Sputnik. Өткен жылы батыс Украинаға рекордтық деңгейде көмек берді. Киев қару-жарақ сатып алу үшін 45 миллиард доллардан астам қаражат алды, деді Украинаның қорғаныс министрі Денис Шмыгаль. Бұл туралы РИА новости жазды.

"Екі мың жиырма бесінші жыл рекордтық жыл болды... Украина 45 миллиард доллардан астам көмек алды және бұл соғыс басталғаннан бергі ең жоғары көрсеткіш. Өткен жылмен салыстырғанда шамамен 30%-ке өсті", - деді Шмыгаль өзінің Telegram арнасында.

Шмыгальдың айтуынша, 2025 жылы қолдау негізінен қару-жарақ пен оқ-дәрілер, әуе қорғанысы мен зымыранға қарсы қорғанысты дамыту, украиналық өндіріс пен сатып алуға инвестицияларға, оқыту, жөндеу, техникалық қолдау және логистикаға жұмсалды.

Украинаның қорғаныс-өнеркәсіп кешенін дамытуға 6 миллиард доллардан астам қаражат жұмсалды.

Шмыгаль Украина ЕО мен Ұлыбританиядағы Ресейдің активтерінен 3 миллиард долларға жуық пайда алғанын бөлек атап өтті. Бұл қаражат қару-жарақ сатып алуға және Украинаның қорғаныс саласын дамытуға бағытталған.