3 жылда 3,25 мың шақырым жол салуға 4,6 трлн теңге бөлінеді

Қазақстанның Көлік министрлігі 2029 жылға дейін жол саласы бойынша жалпы құны 4,6 триллион теңгені құрайтын бес ірі жобаны іске асыруды жоспарлап отыр.
Бұл туралы Үкімет отырысында көлік министрі Нұрлан Сауранбаев мәлімдеді. Министрдің айтуынша, алдағы үш жылда жалпы ұзындығы 3,25 мың шақырым болатын басым жобалар жүзеге асырылады. Бұл бастамалар елдің транзиттік әлеуетін арттырып, экономикаға нақты әсер береді.

Жоспарланған негізгі жобалар:

Ақтөбе – Қызылорда – 1 056 км;

Бейнеу – Сексеуіл – 559 км;

Жаңаөзен – Темір-Баба – 165 км;

Қарағанды – Жезқазған – 572 км;

Орталық – Батыс – 896 км.

Министрдің сөзінше, бұл жобалар макроэкономикалық тұрғыда тұрақты әрі мультипликативтік әсер береді. Құрылысқа қажетті материалдар мен қызметтердің шамамен 90%-ы отандық өндірушілерден сатып алынбақ, бұл өнеркәсіптің дамуына оң ықпал етеді.

Сондай-ақ Нұрлан Сауранбаев транзиттік дәліздерді салу кезінде жол жабынын дұрыс таңдаудың маңызын атап өтті. Оның айтуынша, қазіргі асфальт-бетон жолдары көбіне 8 тоннаға дейінгі осьтік жүктемеге есептелген және жазғы аптап ыстықта ауыр жүк көліктерінің қозғалысына шектеу енгізуге тура келеді.

Осыған байланысты министр транзиттік бағыттарда цемент-бетон жабынын қолдануды ұсынады. Мұндай жолдар ауыр жүктемеге төзімді әрі қызмет ету мерзімі 40 жылға дейін жетуі мүмкін.