Энергетика мен коммуналдық шаруашылықты жаңартуға 13,5 трлн теңге бөлінеді

Елде энергетика және коммуналдық шаруашылықты жаңғыртуға 13,5 триллион теңге бөлінеді.

Қаржының басым бөлігі коммуналдық инфрақұрылымды дамытуға жұмсалмақ. Бұл шамамен 7 триллион теңге. Энергетика саласын жаңартуға 6 триллион теңгеден астам қаржы қарастырылса, 600 миллиард теңге автоматтандыруға және заманауи есептеу құралдарын орнатуға бағытталады. Сабақты ине сәтімен болса, жылу желілерінің тозу деңгейі 52%-дан 42%-ға, ал электр желілерінде 76-ден 45%-ға дейін қысқаруы тиіс. Сондай-ақ сумен жабдықтау желілерінің жай-күйі жақсарады. Ұлттық жоба коммуналдық қызметтердің сапасын арттырып, апат санын азайтуды көздейді.

Инвестиция – ₸13 трлн 588 млрд

Энергетикалық сектор – ₸6 трлн 208 млрд

Коммуналдық сектор – ₸6 трлн 778 млрд

Автоматтандыру және есептеу құралдарымен жабдықтау – ₸602 млрд

Жылумен жабдықтау – 52%-дан 42%-ға дейін

Электр энергиясымен жабдықтау – 76%-дан 45%-ға дейін             

Сумен жабдықтау – 40%-дан 33%-ға дейін

Су бұру жүйесі – 56%-дан 41%-ға дейін қысқарады