Абай облысында 14 спорт нысаны пайдалануға берілді

Qazaq24.com, 24.KZ дереккөзінен алынған мәліметтерге сүйене отырып мәлімдеме жасады..

2025 жылы Абай облысында 14 спорттық нысан пайдалануға берілді. Қазір 19 ғимараттың құрылысы жүріп жатыр.

Бұқаралық спортты дамытуға ерекше көңіл бөлінді. Өңір тұрғындарының 43 пайызы, яғни 200 мыңнан астам адам спортпен тұрақты шұғылданады. Бұл көрсеткіш жыл сайын артып отыр. Жастардың спортқа қызығушылығы мен қолжетімділігін арттыру мақсатында тегін үйірмелер ашылды. Бес мыңнан астам бала түрлі спорт түрімен тегін айналысады.

Диас Сейітқалиев Аягөз ауданының тумасы. Грек-рим күресімен жеті жасынан бері айналысады. Облыстық, республикалық және халықаралық додаларда жеңімпаз атанған. Жас палуан 2025 жылы Бішкекте өткен Азия чемпионатына қатысып, алтын медаль жеңіп алды. Енді әлем чемпионатына дайындалуда.

Диас Сейітқалиев, грек-рим күресінен Азия чемпионы:

- Енді осы күреске он екі жыл бергеннен кейін әрбір спортсменнің арманы – Азия чемпионаты, әлем чемпионатын ұту. Ең басты мақсат – олимпиада чемпионы болу. Сол мақсатқа жету үшін күресе береміз.

19 жастағы бозбала Семейдегі жоғары оқу орындарының бірінде білім алып жатыр. Болашақта дене шынықтыру пәнінің мұғалімі болады. Жас палуан Жақсылық Үшкемпіров атындағы спорт мектебінде жаттығады. Бүгінде өңірде 627 спорт нысаны жұмыс істеп тұр.

Байарыстан Башенов, Облыстық Спорт және денешынықтыру басқармасының бас маманы:

- Үш спорт нысаны ашылды. Атап өтсек, Алғабас ауылындағы спорт кешені, Петропавловка ауылында сауықтыру нысаны. Мақаншыдағы Қарабұлақ ауылында спорттық модуль. Жалпы облыс құрылғалы 14 спорт нысаны пайдалануға берілді. Қазіргі уақытта 19 спорт нысанының құрылысы жүргізіліп жатыр.

Өңірде 240 мыңнан астам адам бұқаралық спортпен тұрақты айналысады. Бір жылда 500-ден астам спорттық іс-шара өткен. Оның ішіндегі ең ауқымдысы –180 шақырымдық ультрамарафон.

Байарыстан Башенов, облыстық Спорт және денешынықтыру басқармасының бас маманы:

- Халықаралық дәрежедегі жарыстарға спортшыларымыз үнемі қатысуда. Қазіргі таңда көптеген жетістіктер бар. Медаль бойынша республикалық жарыстарда 1708 медаль алынды, халықаралық жарыстарда 306 медаль осы жылы нәтиже берді.

Абай облысында «Даму бала» мемлекеттік бағдарламасы белсенді жүзеге асып жатыр. Бағдарлама аясында 4-пен 17 жас аралығындағы балалар спорттық секцияларға тегін қатысады. Қазір 5700 жас спортшы тегін үйірмеге барып жүр.

Авторлары: Рүстем Қайратұлы,Мәди Базарбеков

Соңғы жаңалықтар мен жаңартуларды жіберіп алмау үшін Qazaq24.com сайтынан бақылауды жалғастырыңыз, біз жағдайды қадағалап, ең өзекті ақпаратты ұсынамыз.