ӘЧ ні ұтып алғандай . Македониялықтар Қазаақстан ойыны жайлы Спорт порталы

Солтүстік Македония жанкүйерлері өз құрамасының Қазақстанмен тең түскеніне ашулы, деп хабарлайды Vesti.kz.

Ойын нәтижесі тең аяқталғанына қарамастан, македониялық жанкүйерлер құраманың осал ойыны үшін көп сын айтты. Себебі, бұл матчта 2026 жылғы әлем чемпионатына жолдама тағдыры шешілуі мүмкін еді.

Скопьеде өткен іріктеу матчы 1:1 есебімен аяқталды. Қазақстан құрамасының сапынан 54-минутта Дінмұхаммед Караман гол соқты. Оған 74-минутта Энис Барди айып алаңынан дәл соққысымен жауап берді. Осы нәтижеден кейін македониялықтар топтағы көшбасшылықтан айырылып, енді плей-офф жолдамасына Уэльспен бәсекеге түседі.

"Андорраның әуесқой командасындай"

Жанкүйерлердің көбі нашар ойынмен әлем чемпионатына өту мүмкін емес екенін айтып отыр. Тіпті кейбіреулер матчқа бөлген уақытына өкінгенін жазды:

"Әлем чемпионатына тікелей жолдама алуға арналған соңғы әрі ең жақсы мүмкіндікті жіберіп алдық. Әуесқой Андорраны көріп отырғандай сезім. Ешқандай идея, шабыт жоқ. Барлығы күшпен ойналды".
"Осындай ойынға 30 мың адам келді ме?".
"Бұл футбол емес. Бұл - апат".

Қазақстан өз алаңында да, қонақта да жақсы ойнады ма?

Кейбір жанкүйерлер жазда Астанада өткен матчта да Қазақстан жақсы ойнағанын еске салды. Ол кезде Македония 1:0 есебімен жеңіске жеткенімен, қарсылас ойын барысында кем түспеді деген пікір айтылды:

"Бас бапкер Милевски, үйде 5-3-2 схемасымен Қазақстанға қарсы?! Міндетті түрде жеңу керек болған матчта! Ешқандай ойын да, идея да болмады. Барди болмағанда, сен баяғыда кетіп қалған болар едің! Бір түнде бүкіл іріктеудегі жетістікті жоққа шығардың! Енді плей-оффқа өту үшін есептеп отсың! Қазақстандықтарға рахмет, олар бізден жақсырақ болды".

"Олар қазір ғана емес, Қазақстанда да бізден жақсы болды, өкінішке орай".

"Қонақтар өте ынталы болды, алаңда жанын салды... Матч соңында олар әлем чемпионатын жеңіп алғандай қуанды".

"Қазақстан бұл матчтың формалды емес екенін дәлелдеді – олар соңына дейін күресті".

Қазақстанмен осындай ойын көрсету ұят

Жанкүйерлердің бір бөлігі Қазақстан құрамасын әлсіз қарсылас ретінде санап, мұндай нәтижені кешірілмейтін деп бағалады. Дегенмен кейбірі Қазақстанның матчтағы ойынын мойындады:

"Біз жеңген күннің өзінде ештеңе өзгермейтін еді. Бельгия бәрібір Қазақстан мен Лихтенштейнді жеңер еді. Біз Уэльспен екінші орын үшін күресер едік. Ал ойынға келсек – бірінші тайм сұмдық болды. Басқа команда бізге 2-3 гол соғар еді".
"Егер біз өз алаңымызда Қазақстанды ұта алмасақ, онда біз әлемдік деңгейде емес шығармыз...".

Vesti.kz сайтын осы әлеуметтік желілерінде оқыңыздар

@vestisport @vestikzsport

Vesti-де Tik Tok та бар @vestikzsport