Air Astana мен FlyArystan жолаушыларына қатысты маңызды хабар тарады

29 қараша күні түнде Азаматтық авиация комитетінің баспасөз қызметі Air Astana және FlyArystan әуе компанияларының жолаушыларына сабыр сақтауға кеңес берді, – деп хабарлайды Aikyn.kz сайты.

Ведомствоның Telegram-арнасында хабарланғандай, Air Astana және FlyArystan әуе компанияларының ұшақтарында бағдарламалық қамтамасыз етуді жаңарту жеделдетілген тәртіппен жүргізіліп жатыр.

«Air Astana және FlyArystan компанияларының KC 931 және FS 7063 рейстеріне тартылған екі ұшағында инженерлік қызметтер бағдарламалық қамтамасыз етуді жаңартуды аяқтады», – делінген хабарламада.

Қалған ұшақтарда жаңарту жұмыстары жоспарлы түрде кезең-кезеңімен жүргізіліп жатыр және алдағы күндері аяқталады. Барлық процедуралар Airbus ұшуға жарамдылық директивасына сәйкес және Air Astana, FlyArystan, Азаматтық авиация комитеті мен Қазақстанның Авиациялық әкімшілігі мамандарының тікелей бақылауымен орындалуда.

«Барлық қызмет тәулік бойы жұмыс істеп, процесті жылдам аяқтау және ұшу қауіпсіздігін толық қамтамасыз ету үшін жұмылдырылған. Әуе компаниялары ұшу кестесіне әсерін барынша азайту шараларын қабылдаа отыр».

Жолаушылардан сабыр сақтауы және өз рейстерінің өзекті мәртебесін алдын ала төмендегі байланыс нөмірлері арқылы тексеруі қатаң сұралады:

Air Astana – +7 727 244 44 77, +7 7172 58 44 77, +7 702 702 44 77

FlyArystan – +7 727 331 1010 (WhatsApp: +7 702 702 0227)

SCAT – +7 7252 99 88 80

Qazaq Air – +7 727 356 14 14

"Қазақстанның авиациялық әкімшілігі" АҚ – +7 7172 798213

"Нұрсұлтан Назарбаев халықаралық әуежайы" АҚ – +7 7172 702-999

"Алматы халықаралық әуежайы" АҚ – +7 727 228 00 19