“Аллаға шүкір!: Елдос Калабок ұлды болды

Белгілі блогер Елдос Калабок пен жұбайы Таңшолпан алғаш рет ата-ана атанды. Бұл туралы блогер өзінің Instagram парақшасында жариялады, - деп хабарлайды Aykin.kz. 

Ерлі-зайыпты халықтан сүйінші сұрап, қуанышты жаңалығымен бөлісті.

“Аллаға шүкір! Сүйінші! Біз ата-ана болдық, ағайын! Қош келдің, ұлым. 12.11.2025. Бақыттан басым айналып, ұшып жүрмін, ағайын. Сезімді жеткізе алмай жазып отырмын. Жүрегім ішіме сыймай жатыр. Шүкір, шүкір, шүкір”, – деп жазған ол.

Айта кетейік, бұған дейін Елдос Қадырханның  он жылдан бері сәби сүйе алмай жүргенін айтып, бедеулікке қарсы күрделі ота жасатқан еді. 

«Түркияда 20-30 минут қана жасалатын. Ал Астанада ота 3,5 сағат жасалды. Дәрігерлер үмітін үзіп жатқан екен. Хирургтің айтуынша ең маңызды тұсы бітеліп қалған екен. Ота жасаған дәрігер дәл сол тұсты кесетін әдісті қолданбайтынбыз, оны ұмытып кеткенбіз дейді. Сол әдіске қажетті бір құралын қасындағы көмекшілерінен сұраса, оны тіпті дайындамаған да екен. Соны әкелгеннен кейін жаңағы жабысып тұрған жерді кесіп жібергенде бір дауыс шығып, артынша бұлақ болып ақты дейді. Соны алып, эмбриологқа бергенде ішінде жыбырлап жүргендерін көрген. Ондай менде мүлдем болмаған», – дейді Елдос Қадырханов.