Алматы хайуанаттар бағында ер адам арыстанға тас лақтырған

АСТАНА, 17 сәуір – Sputnik. Алматы хайуанаттар бағында ер адам арыстанға тас лақтырған, деп хабарлайды Sputnik Қазақстан.

Желіде тараған видеодан құқық бұзушылық анық көрінеді: келуші қоршауға тас лақтырып жатыр. Бұл қатаң түрде тыйым салынған және жануарлар үшін қауіпті.

Зообақ әкімшілігі полицияға шағым түсірді.

"Өтініш Медеу аудандық полиция басқармасында тіркелді. Нәтижесі туралы қосымша хабарлаймыз", - делінген хабарламада.

Алматы хайуанаттар бағының қызметкерлері зообақ аумағында жануарларды мазалауға, үркітуге, бөгде заттарды лақтыруға, оларды тамақтандыруға, қоршаудан асуға, әйнекті ұруға және қоқыс қалдыруға болмайтынын еске салды.

"Баршаңызды ережені қатаң сақтауға және балаларға дұрыс үлгі көрсетуге шақырамыз. Жануарларға жанашырлықпен қарау –әрқайсымыздың жауапкершілігіміз", - дейді мамандар.