Алматы Өскемен тасжолында жантүршігерлік жол апаты болды

Жетісу облысындағы "Алматы – Өскемен" автожолының 171-шақырымында екі Toyota Camry автокөлігі соқтығысып, бір адам қаза тапты, – деп хабарлайды Aikyn.kz сайты.

Жол апатынан тағы жеті адам түрлі жарақатпен ауруханаға жеткізілді.

Полицияның мәліметінше, оқиғаға байланысты қылмыстық іс қозғалды. Алдын ала дерек бойынша, жүргізушілердің бірі көлікті басқара алмай, өзімен бір бағытта келе жатқан екінші Toyota Camry көлігіне соғылған.

Салдарынан көліктердің бірін басқарған 56 жастағы ер адам оқиға орнында көз жұмды. Зардап шеккен жеті адамға медициналық көмек көрсетіліп жатыр.

Қазір оқиғаның мән-жайы мен себептерін анықтау үшін тергеу амалдары жүргізіліп жатыр.

Осыған байланысты полиция жүргізушілерді жол қозғалысы ережелерін қатаң сақтауға, қауіпсіз жылдамдықты таңдауға және жолда барынша мұқият болуға шақырды.