Алматы тұрғындары Көктөбедегі автотұрақ бағасының көтерілгеніне наразы

Ол әлеуметтік желіде енді жеке көлікпен саябаққа шығатындар 25 000 теңге төлеу керегін, ал автобустағы жол жүру бағасы адам басына 4 000 теңге екенін айтқан. 

Посмотреть эту публикацию в Instagram

Публикация от ЖАЛОБЫ АЛМАТЫ / НОВОСТИ (@zhaloby_almata)

Тұрғындардың пікірі екіге бөлінді. Бір бөлігі көліктерді мүлде шектеу немесе жаяу шығуды ұсынса, енді бірі мұндай ақшаға басқа қалаға саяхаттауға болатынын айтып отыр. 

Саябақтың ресми сайтында қазіргі тарифтер былай көрсетілген: 

• жеңіл көлік – 25 000 теңге;

• мотоцикл немесе мопед – 2 000 теңге;

• лимузин – 30 000 теңге;

• 8-15 орындық микроавтобус – 40 000 теңге;

• 15-50 орындық микроавтобус – 50 000 теңге.

Сонымен қатар саябаққа аспалы жол арқылы да көтерілуге болады. Бір адамға көтіріліп-түсу билетінің құны – 10 000 теңге, ал 6-12 жас аралығындағы балаларға – 5 000 теңге.

Айта кетейік, Көктөбенің автотұрақ тарифтері жылдан жылға өсіп келеді. 2023 жылы 5 000 теңгеден 7 000 теңгеге көтерілді, 2025 жылы 15 000 теңгеге, ал 2026 жылғы 1 ақпаннан бастап 25 000 теңгеге көтеріліп отыр.

Еске салайық, бұған дейін «Қазтелерадио» АҚ Алматыдағы стратегиялық нысан болып есептелетін Көктөбе телемұнарасын туристер үшін ашылатыны не ашылмайтыны жөнінде түсінік берген еді.