Алматыда субұрқақтағы су неліктен боялып жатыр әкімдік жауабы

Желіде тараған бейнежазбада жұмыс істемей тұрған Атакенттегі субұрқақтың суы боялып жатқаны туралы айтылған.

Посмотреть эту публикацию в Instagram

Публикация от Карианна (@kari_real_22)

Бұл дерекке қатысты Бостандық ауданының әкімдігі түсініктеме берді. Ресми жауапқа сәйкес, қазір қаладағы субұрқақтарды тиісті санитарлық әрі техникалық қалыпқа келтіру бойынша жоспарлы жұмыстар жүргізіліп жатыр.

— Осы жұмыстар аясында субұрқақ табақшаларын тазарту, жабдықтарды ретке келтіру, сондай-ақ судың гүлдеуін болдырмау және санитарлық қауіпсіздікті қамтамасыз ету үшін арнайы реагенттермен өңдеу шаралары атқарылып жатыр, — делінген жауапта.

Сонымен қатар аудан әкімдігі қолданылатын заттар, соның ішінде мыс негізіндегі қоспалар рұқсат етілген мөлшерде пайдаланылатынын және белгіленген нормаларға толық сәйкес келетінін атап өтті.

— Барлық жұмыстар қолданыстағы талаптарға сай штаттық режимде жүргізіліп жатыр және бейінді қызметтердің бақылауында, — деп түсіндірді Бостандық ауданының әкімдігі.

Еске салайық, былтыр Алматыда қураған шөп жасыл түске боялған болатын.