Павлодар әуежайы қашан ашылады? Әкімдік жауабы

Қазақстандықтар Павлодар әуежайының әлі жұмыс істемей тұрғанына шағымдануды жалғастырып жатыр. Мәселеге қала әкімдігі пікір білдірді - деп хабарлайды Tengritravel.kz тілшісі.

Қазақстандықтар Павлодар әуежайының әлі жұмыс істемей тұрғанына шағымдануды жалғастырып жатыр. Мәселеге қала әкімдігі пікір білдірді - деп хабарлайды Tengritravel.kz тілшісі.

Threads желісінде қазақстандық тұрғын эмоционалды жазба жариялаған.

"Павлодар әуежайын қашан жөндеп бітіреді? Үйге ұшқым келеді", – дейді қолданушы.

Әкімдік бұл сауалға жауап берді.

"Әуежайдың ұшу-қону жолағы апаттық жағдайда болған, бұл арнайы сараптама қорытындысымен расталды. Толық реконструкция жүргізілмейінше, Авиациялық қауіпсіздік комитетінің аккредитациясын ала алмайтын едік, сәйкесінше ешқандай әуе кемесін қабылдау мүмкін болмас еді. Сондықтан реконструкция жүргізіліп жатыр, алайда ауа райының қолайсыздығына байланысты жұмыстар қазір тоқтатылды", – деп мәлімдеді әкімдік.

Жобаға сәйкес, ұшу-қону жолағын жаңарту 2026 жылдың шілдесінде аяқталады, ал әуежай 2026 жылдың тамызынан бастап рейстер қабылдай бастайды.

Бұған дейін жобаның аяқталуы арнайы мемлекеттік қор есебінен қаржыландырылатыны хабарланған. Қор елге қайтарылған заңсыз активтер есебінен қалыптасқан.

"9,3 миллиард теңгені арнайы қордан бөлу туралы шешімді Үкімет қабылдады. Бүгінде қаражат арнайы шотқа түсті, қажетті келісімшарттар жасалды және қазынашылық органдарында тіркелді", – деп хабарлаған еді қазанның аяғында әкімдіктің баспасөз қызметі.

Алғашқы жоспар бойынша реконструкция 2025 жылдың қарашасында аяқталуы тиіс еді. Алайда қалған 9,3 млрд теңгені бөлу қажеттілігіне байланысты мерзім ұзарған.

Саяхат қызықтары мен пайдалы ақпаратты Instagram және Facebook парақшаларынан оқи аласыз!