Алматыда үй кезегі неліктен артқа жылжыған әкімдік жауабы

Сессия барысында Алматы қаласында тұрғын үй сертификаттарын алушылар санаттарының тізбесі мен мөлшерін айқындау мәселесі талқыланды.

Мәслихат депутаттары коммуналдық инфрақұрылым және тұрғын үй инспекциясы басқармасының басшысы Шархан Тұрсынбаевтан кей азаматтарда үй кезегі неліктен өзгергенін сұрады. Олардың айтуынша, алматылықтар кезектің артқа кеткеніне жиі шағымданады.

- Соңғы заңнамалық өзгерістерге байланысты 5 санат тобы алынып тасталды да, адамдардың кезегі тұрған күніне ауысты. Кезінде кезекке көпбалалы, 1 не 2 топтағы мүгедек деген сынды категориямен тұрса, қазір үй кезегіне тіркелген сәттен бастап мерзімі өзгерді. Бірақ бір ескеретін тұсы - 20 пайыз жетім балаларға қалады. Осы 20 пайызға үй берілген кезде олар 700-ші тұрса да, бірінші болып алады. Ал қалғандары кезекке қойылған күні бойынша кезекпен Отбасы банк арқылы үй ала алады. Мыңыншы тұрған адам 3 мыңыншы кезекке ауысқан жағдайлар бар. Біз тұрғындарға себебін жеке түсіндіріп жүрміз, - деді Шархан Тұрсынбаев.

Еске салайық, биыл мұқтаж жандарға баспана бөлу қызметі әкімдіктен «Отбасы банкке» өтті.