Алматыда жазғы алаңдарды жаңа ережелер күтуде

Алматыда дәмханалар жанындағы жазғы алаңдарды реттеуге қатысты өзгерістер дайындалып жатыр. Бұл мәселе қала әкімі Дархан Сатыбалдының қатысуымен өткен кеңесте талқыланды, деп хабарлайды Tengrinews.kz қала әкімдігінің баспасөз қызметіне сілтеме жасап.

Алматыда дәмханалар жанындағы жазғы алаңдарды реттеуге қатысты өзгерістер дайындалып жатыр. Бұл мәселе қала әкімі Дархан Сатыбалдының қатысуымен өткен кеңесте талқыланды, деп хабарлайды Tengrinews.kz қала әкімдігінің баспасөз қызметіне сілтеме жасап.

Кәсіпкерлік және инвестициялар басқармасының мәліметінше, Алматыдағы мекемелердің шамамен 30 пайызы жазғы алаңдарды пайдаланады. Сонымен қатар қазіргі реттеу тетіктері олардың уақытша және күрделі емес сипатын әрдайым ескере бермейді.

Бұл оларды орналастыруды келісу кезінде қиындықтар туғызып, сондай-ақ мұндай нысандардың рұқсатсыз орнатылу жағдайларына әкеп соғады.

Осыған байланысты ведомство кәсіпкерлер үшін процедураларды жеңілдетуі тиіс ережелерге өзгерістер енгізуге бастамашы болмақ.

Сонымен қатар қалада стационарлық емес сауда нысандарын демонтаждау жұмыстары жалғасып жатыр. Мониторинг нәтижесінде 1595 заңсыз нысан анықталған.

Олардың ішінде 509-ы мемлекеттік қор жерлерінде, 210-ы нысаналы мақсаты бұзыла отырып жеке учаскелерде орналасқан, тағы 876-сы бекітілген дизайн-код талаптарына сәйкес келмейді.

ҚАЗІР ТАЛҚЫЛАНЫП ЖАТЫР

Медалін шешуді ұмытып кеткен қазақстандық спортшы әуежайда қызық жағдайға тап болды

29 сәуір 08:10 1

Министр Қазақстандағы курьерлер мен такси жүргізушілері үшін алаңдатарлық болжам айтты

27 сәуір 18:41 1

Қазақстанның Халық жазушысы Мұхтар Шаханов өмірден өтті

19 сәуір 22:47 1

Биліктің бағалауынша, мұндай нысандар жаяу жүргіншілерге кедергі келтіреді, қаланың архитектуралық келбетін бұзады және тұрғындардың шағымын тудырады.

Алматы әкімі Дархан Сатыбалды заңсыз нысандарды жою жұмыстарын күшейтуді және демонтаж қарқынын жеделдетуді тапсырған. Ол аудан әкімдеріне заңбұзушылықтарды күнделікті анықтау қажеттігін атап өтті, өйткені жыл басынан бері небәрі 157 нысан сүрілген, бұл көрсеткішті ол төмен деп бағалады.

Оның айтуынша, заңсыз нысандарды электр қуаты мен су құбырынан ажыратып, олардың иелерін полициямен бірлесіп жауапкершілікке тарту керек.

Қазіргі уақытта Алматыда стационарлық емес сауда нысандарын орналастыру үшін 142 орын бекітілген. Жыл соңына дейін олардың санын арттыру жоспарланған.

Google News арқылы жаңалықтарымызды қадағалаңыз