Алматыға ақылы түрде кіру: әр үшінші көлік “бюджетті толтырады“

Алматыда түтіндейтін автокөліктерді тексеру бойынша рейдтер өтіп жатыр, - деп хабарлайды Tengrinews.kz тілшісі.

Алматыда түтіндейтін автокөліктерді тексеру бойынша рейдтер өтіп жатыр, - деп хабарлайды Tengrinews.kz тілшісі.

Алматыда экологиялық стандартқа сай келмейтін көліктерге қала орталығына ақылы түрде кіру жүйесін енгізу ұсынылды. Осыған байланысты қалада жылжымалы зертханалар рейдтер жүргізіп жатыр.

Әкімдік мәліметінше, 4–10 қазан аралығында тексерілген 224 көліктің 138-і бензин және газбен жүретін болған, оның 23-інен зиян заттар рұқсат етілген деңгейден асқаны анықталған.

64 дизельді көліктің 26-сы бойынша да уытты газ бен түтіндеу нормалары бұзылғаны тіркелген.

Айта кетейік, Алматыдағы экология мәселесі жыл сайын өзекті болып келеді. Жақында Мәжіліс депутаты Сергей Пономарев қаладағы экологиялық проблемаларды шұғыл шешу қажет екенін атап өтті. Оның айтуынша, мәселені шешудің бір жолы – электромобильдерді кеңінен пайдалану.

Сілтемесіз жаңалық оқисыз ба? Онда Telegram желісінде парақшамызға тіркеліңіз!