Алматылық құтқарушылар Терешкова шыңы ауданынан екі қызды эвакуациялады

Терешкова шыңының (биіктігі 3 445 м) ауданына көтерілген екі қыз тас құлауына байланысты өздігінен төмен түсе алмаған. Оларға Алматы қаласы әкімдігінің Мониторинг және жедел әрекет ету орталығының құтқарушылары көмек көрсетті, – деп хабарлайды Aikyn.kz. 

Құтқарушылар шыңның дәл астында болған топпен көзбен байланыс орнатты.

Түнде іздестіру-құтқару тобы бойжеткендерді тапты. Олар медициналық көмекке мұқтаж болмады. Дайындық жұмыстарынан кейін құтқарушылар оларды қауіпсіз жерге түсірді.

Таңертең екі қыз да экологиялық бекетке дейін жеткізіліп, сол жерде туыстарына тапсырылды.

ТЖМ кеңесі: таулы жерлерге жорыққа шығар алдында маршрутты алдын ала зерделеп, ауа райы жағдайын ескеріп, өзіңіздің физикалық мүмкіндіктеріңіз бен дайындық деңгейіңізді объективті бағалаңыз. Жоспарланған маршрут пен қайту уақытын жақындарыңызға хабарлаңыз. Өзіңізбен бірге қуатталған ұялы телефонды, байланыс құралдарын және қажетті жабдықтарды алып жүріңіз. Төтенше жағдай туындаған кезде дереу 112 нөміріне хабарласыңыз.