Apple корпорациясы iPhone смартфондарын кемінде алдағы 50 жыл бойы өндіреді

Басылымға берген сұхбатында Apple компаниясының жаһандық маркетинг жөніндегі вице-президенті Грег Джосвиак iPhone-ның 50 жылдан кейінгі болашағы туралы ойын айтты. Оның пікірінше, жасанды интеллект пен өзге де жаңа технологиялар дамыса да, iPhone өз маңызын жоғалтпайды.

— iPhone ешқайда кетпейді. Ол алдағы уақытта да маңызды рөл атқара береді, — деді ол.

Топ-менеджердің айтуынша, Apple смартфонының толықтай жойылып кетуін елестету қиын. Сонымен қатар ол бәсекелес компаниялардың мұндай өнімге ие болмағандықтан, болашаққа қатысты шешімдерді асығыс қабылдап жатқанын атап өтті.

Ал Тим Кук технологиялар өзгергенімен, негізгі құндылықтар сақталатынын жеткізді. Оның сөзінше, Apple алдағы 50 жылда да, тіпті 100 немесе 1000 жылда да өз бағытын жоғалтпайды.

Айта кетейік, Apple компаниясы 1976 жылдың 1 сәуірінде құрылған. Биыл компанияның құрылғанына 50 жыл толып отыр.

Бұған дейін Apple Ұлыбританияда санкцияларды бұзғаны үшін айыппұл арқалағанын жаздық.