Ақмола облысының әкімі елді мекен атын шатастырды

Бүгін Ақмола облысының әкімі Марат Ахметжанов Көкшетаудағы «Собачий хутор» деп аталатын аудан тұрғындарының өмір сүру жағдайына қатысты сұраққа жауап беру кезінде күтпеген жерден сөзден жаңылысып, елді мекенді «Сучий хутор» деп атады, деп хабарлайды Arasha.kz.

Әкім ыңғайсыз сәтті байқамағандай, сөзін жалғастырып, өңірді абаттандыру жоспары туралы баяндады. Оның айтуынша, бұл ауданда 100-ге жуық үй тұрғындары жаңа қонысқа көшірілген, ал Вернадский көшесінде 145 пәтерлі заманауи тұрғын үй салынған. Алдағы уақытта мектеп, сквер және спорт кешені бой көтермек.

«Жоспар үлкен, тек сәл сабыр керек. Барлығы қаржыландыруға байланысты», — деді Ахметжанов.