Ақмолалықтар 25 мың ағаш екті

Ақмола облысында 30 мыңнан астам адам қалалар мен ауыл-аймақтарды тазалап, 25 мың ағаш пен бұта екті. «Таза Қазақстан» кең ауқымды шарасы 240 елді мекенді қамтыды.

Бүгінгі сенбілікте Көкшетауда жүз алма ағашы мен күлгін бұтақтар, қарағай, ақ қайың, қарағаш, қылқан жапырақты ағаштар отырғызылды. Талапкер ауылында жүздеген адам жағалау аймақтарын, аула-қораларды тазалады. Ал Аршалы ауданының тұрғындары 400-ден астам ағаш ексе, Зеренді ауылында тазалық акциясына мектеп оқушыларына дейін атсалысты. Биыл Ақмола облысында 4 мыңнан астам экологиялық іс-шара өтіп, 70 мыңнан астам адам туған өлкені көркейтуге үлес қосты.

Марат Ахметжанов, Ақмола облысының әкімі:

- Осы акциямен қатар елді мекендерде қуанышты іс-шара болып жатыр. Ыбырай Алтынсарин мен Талапкер ауылына газ келіп жатыр. Ол сіздердің көптен күткен армандарыңыз. Бұл Президент Қ. Тоқаевтың ауыл тұрғындарының тұрмысын жақсартуға арналған іс-шараның бір бөлігі.