АҚШ Ирандағы соғысқа минутына 1,3 млн доллар жұмсап отыр The New York Times

АҚШ-тың Ирандағы әскери операциялары өте қымбатқа түсуде. Сарапшылардың есебінше, соғысқа жұмсалатын шығын минутына 1,3 миллион доллардан асады. Бұл деректер Пентагонның алғашқы алты күнде 11,3 миллиард доллар жұмсағанына негізделген.

The New York Times басылымының шолушысы Николас Кристофтың жазуынша, АҚШ Қорғаныс министрлігі бұл науқанды қаржыландыру үшін шамамен 200 миллиард доллар сұраған. Алайда мамандар бұл тек бастапқы шығындар екенін, нақты қаржы көлемі әлдеқайда жоғары болатынын айтады.

Гарвард университетінің сарапшысы Линда Билмс соғыстың негізгі шығындары кейін пайда болатынын атап өтті. Оның ішінде әскери қызметкерлерге өмір бойы төленетін жәрдемақылар мен медициналық қамтамасыз ету бар. Осы шығындардың өзі кемінде 600 миллиард долларға жетуі мүмкін. Жалпы алғанда, сарапшылар соғыстың толық құны 1 триллион доллардан асуы ықтимал екенін ескертеді.