Трамп әкімшілігі Украинаға көмекті 99 пайызға қысқартты New York Times

АСТАНА, 12 мамыр – Sputnik. АҚШ президенті Дональд Трамп әкімшілігі Украинаға көрсетілетін қаржылық және әскери көмекті 99%-ға қысқартқан, деп жаздыNew York Times газеті.

"Трамп әкімшілігі Ресейдің көңілін табуға тырысып, Украинаға көмекті 99 пайызға азайтты", - деп жазды басылым.

Сонымен қатар газет Владимир Зеленский жауап ретінде Вашингтоннан біртіндеп алыстауға бағытталған қадамдар жасай бастағанын атап өтті. Қарым-қатынастың нашарлауына АҚШ пен Иран арасындағы шиеленістің күшеюі себеп болғаны айтылады.

Бұған дейін Трамп Зеленскийдің қақтығысты аяқтауға құлықсыз екенін бірнеше рет айтып, наразылық білдірген.

Жыл басынан бері Ресей мен Украина делегациялары АҚШ-тың қатысуымен келіссөздің үш раундын өткізді. Соңғы кездесу 17-18 ақпанда Женевада ұйымдастырылды.