АҚШ пен Украина талқылауларды жалғастырады Ақ үй

АСТАНА, 24 қараша – Sputnik. Ақ үйдегілердің хабарлауынша, АҚШ пен Украина Женевадағы жақында өткен келіссөздерден кейін консультацияларды жалғастыруға келісті, деп хабарлыд РИА Новости.

"Екі тарап та тұрақты ілгерілеуді құптады және келісімдер аяқталуға жақындаған сайын талқылауларды жалғастыруға келісті", - деді АҚШ әкімшілігінде.

Ақ үй мәлімдемесінде жазылғандай, Украина делегациясы Киевті алаңдататын барлық негізгі мәселелер Женевадағы Украинаны реттеу бойынша кездесуде мұқият қарастырылғанын растады.

"Украина делегациясы кездесу барысында қауіпсіздік кепілдіктері, ұзақ мерзімді экономикалық даму, инфрақұрылымды қорғау, кеме қатынасы еркіндігі және саяси егемендік сияқты барлық негізгі алаңдаушылықтары мұқият қарастырылғанын растады", - делінген мәлімдемеде.

Тіпті Украина өкілдері Женевадағы кездесуде АҚШ жоспары Украинаның қауіпсіздігі үшін сенімді және іске асырылатын тетіктерді ұсынатынын растаған.

"Украина өкілдері бүгін ұсынылған өзгерістер мен түсіндірулерге сүйене отырып, қазіргі жоба олардың ұлттық мүдделерін сипаттайды және Украинаның қауіпсіздігін қысқа және ұзақ мерзімді перспективада қамтамасыз етудің сенімді және іске асырылатын тетіктерін ұсынады деп санайтындарын мәлімдеді", - делінген Трамп әкімшілігі жариялаған мәлімдемеде.