АҚШ та көпфункциялы NEO тұрмыстық роботына алдын ала тапсырыс беру басталды

Робот үй жинау, кірлерді реттеу, кеңістікті реттесттіру, тіпті тамақ әзірлеуге қолғабыс ету сияқты түрлі тұрмыстық істерді автоматты түрде орындай алады.

NEO жасанды интеллект жүйесімен жабдықталған. Бұл жүйе роботқа иесімен табиғи әңгіме жүргізуге, командаларды тануға, айналасын сараптауға және отбасы қажеттіліктеріне бейімделуге мүмкіндік береді. Сондай-ақ ол бұрын берілген командаларды есте сақтайды, сатып алу тізімдерін жасайды, маңызды оқиғалар туралы ескертеді және оқуға жәрдемдеседі.

Роботтың аппараттық платформасы жұмсақ әрі қауіпсіз қозғалысты, жоғары көтеру және тасымалдау қабілетін, сондай-ақ төмен шу деңгейін қамтамасыз етеді.

NEO роботтарының алғашқы жеткізілімі АҚШ-та 2026 жылға жоспарланған. Ал 2027 жылы өнімнің халықаралық нарыққа шығуы көзделіп отыр. Алдын ала қолжетімділік бағасы — 20 мың АҚШ доллары, ал айлық жазылым құны 499 долларды құрайды.

1X компаниясының мәлімдеуінше, жобаның басты мақсаты — адамдардың күнделікті өмірін жайлы әрі қауіпсіз ету, тұрмыстық міндеттерді жеңілдетіп, өмір сапасын арттыруға қабілетті интеллектуалды роботтарды ұсыну.

Бұған дейін Tesla компаниясының басшысы Илон Маск алдағы жылдары адам тәріздес Optimus роботтарының «армиясын» қалыптастырып, жыл сайын шамамен 1 миллион дана өндіруді жоспарлап отырғанын хабарлаған еді.

Гуманоид роботтар болашақта адамдарды алмастырады.

Илон Маск ЖИ 2030 жылға қарай адам интеллектісінен асып түсетінін айтты.