Нобель институты: Лауреат туралы ақпараттың алдын ала таралып кетуіне қатысты тексеру басталды

Оған оппозициялық саясаткер және Венесуэла парламентінің бұрынғы депутаты Мария Корина Мачадоның кандидатурасына нәтиженің ресми жариялануына бірнеше сағат қалғанда онлайн бәстің әдеттен тыс күрт өсуі себеп болды.

Басылымның мәліметінше, Polymarket платформасында Мачадоның жеңіске жету мүмкіндігі бірден 3,7%-дан 31,5%-ға дейін көтеріліп, бақылаушылардың күдігін тудырды.

Мачадо есімін БАҚ пен сарапшылар фаворит деп санамағанымен, ол 2025 жылғы Бейбітшілік саласы бойынша Нобель сыйлығының лауреаты деп жарияланды. Институт норвегиялық бұқаралық ақпарат құралына ақпараттың шығып кетуіне қатысты тергеуді бастағанын растады.

Биылғы жылы Бейбітшілік саласындағы Нобель сыйлығына 338 үміткер ұсынылған. Олардың арасында АҚШ президенті Дональд Трамп, белсенді Грета Тунберг, Дүниежүзілік денсаулық сақтау ұйымы және БҰҰ Бас хатшысы Антониу Гутерриш бар.

Марапаттау рәсімі 10 желтоқсанда, яғни Альфред Нобельдің қайтыс болған күнінде Ослода өтеді. Жүлде қоры 11 миллион швед кроны (шамамен 1,17 миллион доллар).

Бұған дейін Бейбітшілік саласындағы Нобель сыйлығын Трамп емес, венесуэлалық әйелге берілгені туралы жазғанбыз.