Ақтөбеде клиент такси жүргізушісіне ақшасын бермей, көлігін айдап кеткен

АСТАНА, 30 қараша – Sputnik. Ақтөбеде клиент такси жүргізушісіне ақшасын бермей, көлігін айдап кеткен, деп хабарлайды Диапазон.

43 жастағы тұрғын такси шақырып, жолшыбай ұйықтап жол ақысын төлер кезде ақшасының жоқтығын айтқан.

Такси жүргізушісі ашуланып, клиентті түсірмей үй жағына бет алған.

Кейін жол бойында көлікті тоқтатып, ақшасы болмаса ер адамның шығып, жаяу баруын талап еткен. Клиент жүргізуші жұдырықпен ұрып, екеуі көліктен түсіп жанжалдасады.

Такси жүргізушісі артқа шегінгенде, клиент оның Mitsubishi Lancer көлігінің тізгініне отырып кетіп қалған.

"Такси жүргізушісі телефон соққан соң полицейлер көлік ұрлаушыны тоқтатуға әрекеттенеді. Алайда ол тәртіп сақшыларын иелемей, алдынан басқа көлік шыққанда ғана тежегішті басқан", - делінген хабарламада.

Ақтөбе тұрғынының үстінен көлікті ұрлап, көлікті мас күйінде және жүргізуші куәлігінсіз басқарғаны үшін қылмыстық іс қозғалды.

Ол алты айға бас бостандығынан және өмір бойына көлік басқару құқығынан айырылды.