Арменияда мэрдің қамауға алынуы тәртіпсіздіктерге ұласты

-Сыбайлас жемқорлыққа қарсы комитет тергеп жатқан қылмыстық іс аясында Гюмри қаласының әкімдігінде тергеу әрекеттері жүргізіліп жатыр. Қосымша ақпарат кейінірек беріледі, - деп хабарлады Арменияның сыбайлас жемқорлыққа қарсы комитеті.

Бірнеше армян ақпарат құралдарының хабарлауынша, Гюмри қаласының мэрі Вардан Гукасян ұсталған. Оған пара алды және бопсалады деген айып тағылып отыр.

Осы уақытта әкімдік ғимаратының алдында әкім мен полиция қызметкерлерін қолдауға жиналған наразылар арасында қақтығыс болды. Тәртіпсіздік салдарынан 23 адам ұсталып, полицияның уақытша ұстау абақтысына қамалды.

Бұған дейін Арменияда экс-президент Саргсянның шетелге шығуына қатысты салынған тыйым күшін жойғаны хабарланған еді.