Asar Baspana пирамидалық схемасы: 90 мың адамды алдап, 25 млрд теңге жинаған

Алматыда «Asar Baspana» қаржылық пирамидасына қатысты іс бойынша тергеп-тексеру аяқталды, іс сотқа жолданды. 

Алматы қаласы прокуратурасының хабарлауынша, тергеуді прокуратураның үйлестіруімен Экономикалық тергеп-тексеру департаменті жүргізді. 

Пирамида 2023 жылдан 2025 жылға дейін Қазақстанның барлық аумағында тұтыну кооперативі ретінде әрекет еткен.

Қаржылық пирамида қызметіне 90 мыңнан астам азамат тартылған және олар 25 млрд теңгеден астам қаржы салған. 

Бұл ретте ақша қаражаты көптеген жағдайларда жеке кәсіпкерлердің бақылаудағы шоттары арқылы қолма-қол ақшаға айналдырылып, ұйымдастырушылар жеке мақсаттарына пайдаланған, ал қаражатты есепке алуды, қылмыс іздерін жасыру мақсатында әдейі жүргізбеген.
Қылмыстық іс сотқа жолданды.
Қала прокуратурасы азаматтарды қырағы болуға, жылдам және кепілдендірілген табыс табу уәделеріне сенбеуге шақырады.

Бүгін, 12:19