Ассамблея бірлік пен ынтымақ ұйытқысы

Биыл Қазақстан халқы Ассамблеясының Астана қалалық филиалы 326 іс-шара өткізді.

Соның 5-еуі-халықаралық. Бірлік пен бейбітшілікті дәріптейтін жобалардың бірсыпырасы келер жылы да іске асады. Бұл туралы бүгін ұйымның жылдық қорытынды кеңейтілген отырысында айтылды.

Биыл Қазақстан халқы Ассамблеясының құрылғанына 30 жыл. Бірлік пен келісімнің ұйытқысы болған ұйым тағы бір толайым табыстарға толы кезеңді артқа тастады. Ауқымды құрылымның Астана қалалық филиалы жыл ішінде 326 іс-шара өткізген. Соның бесеуі халықаралық. Бұл бастамалар түрлі саланы қамтығанымен маңызы бір. Ол ұлттар арасында бірлік пен ынтымақты дәріптеу. Аталмыш институт қоғамдық жұмыстармен қатар қайырылымдық жобаларға да бастамашы болып келеді. 

Наргизам Махмудова, ҚХА Астана қалалық филиалы төрағасының орынбасары:

- Мектепке жол акциясы бойынша 200 бала қамтылған. Біздің "Жомарт жан" орталығы жұмыс істейді. Осы жақында ғана жаңа жылға мүгедектігі бар 400 бала Аяз атаға хат жазған болатын. Олардың хаттарына жауап беру үшін біз деммеушілерді тартып, әр баланың хатына жауап беруге тырыстық. 

Әсіресе медиация институттарының ролін нығайтуда Ассамблеяның рөлі айрықша. Орталық жұмысы  қоғамдық келісім мен ұлтаралық жанжалдарды болдырмауға бағытталған. Биыл қалалық Ассамблея қызметі кеңейе түсті. Ірі кәсіпорындар жанынан 4 Еңбеккерлер Ассамблеясы құрылды. Инклюзивті және спорттық Ассамблеялар жасақталып, «Елтану» ағартушылық жобасы қолға алынды.

Халил Маслов, ҚХА Астана қалалық филиалы төрағасының орынбасары:

- Жыл сайынғы жоспардың мәні-мағынасы өзгеріп тұрады. Ең негізгілерінің бірі тұрақтылықты насихаттайтын, еліміздегі бейбітшілікті насихаттайтын және еліміздің ең негізгі құндылығы ретінде ел бірлігін насихаттайтын іс-шаралар көптеп өтеді. Және Мемлекет басшысының Жолауында көрсетілген Жасанды интеллект Қазақстанның жаңа дамуына қатысты іс-шаралар осымен байланысты болады.  

Жылдың қорытынды кеңейтілген отырысында Ассамблеяның тынысын паш ететін жинақ жарық көрді. Ал бірқатар белсенді азаматқа алғыс хаттары табыс етілді.  

Назерке Тоқжан