Астана соңғы 34 жылдағы ең ыстық күнді бастан өткерді

14 шілдеде Астанада метеобақылаулар тарихында жаңа температуралық рекорд орнатылды, деп хабарлайды Tengrinews.kz.

"Қазгидромет" бақылау желісінің деректері бойынша, елордада ауаның максималды температурасы +38,6 градусқа жетті. Бұл 14 шілдедегі бұрынғы рекордтан 3,3 градусқа жоғары. Бұған дейін 1992 жылғы 14 шілде ең ыстық күн болып есептелген, ол кезде термометр бағаны +35,3 градусқа дейін көтерілген болатын.

Бұған дейін "Қазгидромет" синоптиктері 14 шілде елордадағы ең ыстық күн болатынын ескерткен. Болжам бойынша, ауа температурасы +37...+39 градусқа дейін көтерілуі тиіс еді, бұл осы күн үшін тарихи максимумнан асып түсті.

Бұл ретте 13 шілденің өзінде-ақ аптап ыстық рекорд көрсеткіштерге жақындады. Сағат 13:40-тағы жағдай бойынша Астанада ауа температурасы +35,9 градус болды. Салыстырмалы түрде алсақ, 13 шілдедегі абсолюттік максимум сонау 1935 жылы орнатылған және ол +39,5 градусты құраған еді.

Естеріңізге сала кетейік, 23 маусымда Астанада осы күнге арналған жаңа температуралық рекорд тіркелді. Ол кезде ауа +36,8 градусқа дейін ысыды. 23 маусымдағы бұрынғы рекорд +36,4 градус болып, ол 1941 жылы тіркелген болатын.