Астанада 21 мамырда лаңкестікке қарсы оқу жаттығу өтеді

АСТАНА, 21 мамыр – Sputnik. 21 мамыр күні Астанада лаңкестікке қарсы оқу-жаттығу өткізіледі, деп хабарлайды Терроризммен күрес жөніндегі жедел штаб.

Оқу-жаттығу түстен кейін 15:00-20:00 аралығында Астана әуежайы аумағында өтеді.

"Іс-шараның мақсаты – құқық қорғау және арнайы органдардың террорлық қауіптерге жедел әрекет етуге дайындығын тексеру. Оқу-жаттығу барысында өткізу аймағында жаяу жүргіншілер мен автокөлік қозғалысына уақытша шектеулер енгізіледі", – делінген хабарламада.

Штаб азаматтарды оқу-жаттығуға түсіністікпен қарап, қауіпсіздік шараларын сақтауға шақырды. Сондай-ақ тек ресми ақпарат көздеріне сеніп, жалған мәлімет таратпауға үндеді.