Астанада Әділбек Ыбырайымұлының жаңа шығармалары таныстырылды

Ұлттық академиялық кітапханада Қазақстанның Құрметті жазушысы, «Алаш» халықаралық әдеби сыйлығының лауреаты Әділбек Ыбырайымұлының жаңа туындылары таныстырылды.

Оқырмандар назарына «Арзу» романы мен «Жалғыз жолаушы» жинағы ұсынылды. «Арзу» романында жер қойнауындағы сирек металлдар мен дейтерий сутегіне қатысты әлемдік ықпал мен саяси мүдделер ашық көрсетілген. Сондай-ақ қазақ елінің қазіргі жай-күйі, ғарышты игеруі және діни наным-сенімнің етек алуы сияқты мәселелер қамтылды. Ал «Жалғыз  жолаушы» жинағында  кейіпкерлердің тағдырлары әр қырынан ашылды. Осы оқиғалар арқылы бүгінгі заманның болмысы көрініс тапты. Әр әңгіме психологиялық тереңдігімен оқырманға ой салатыны хақ. Шара барысында зиялы қауым өкілдері бұл туындылардың ұлттық әдебиетке жаңа серпін әкелетінін атап өтті.

Әділбек Ыбырайымұлы, Қазақстанның Құрметті жазушысы:

- Бізде әдебиетте елеусіз қалып жатқан бір сала - ғылым саласы. Біздің жас биолог ғалым Совет деген американдық гуманитарлық көмекпен келген ғылыми топпен ілесіп барып, суға зерттеу жүргізіп, сол жерден американдықтар жасырын түрде дейтерий деген суды тапқан. Американдықтар дейтерий суынан ғарышқа ұшатын отын түрін жасамақшы. Кітапта біздің сирек кездесетін металлдың түрі осмий, оны қазақ енді ғана өндіріп, әлемдік рынокта саудалайтын қазақ елі. Оны 1 грамы 200 мың доллар тұрады. Бүгінгі мына халықаралық деңгейдегі әлемдегі оқиғаларды суреттейтін шығармалар қажет деп есептеймін.