Астанада Ана тілі республикалық зияткерлік олимпиадасының жеңімпаздары марапатталды

2026 жылғы 2 наурызда Астанадағы Nurorda лицейінде «Ана тілі» республикалық зияткерлік олимпиадасының жеңімпаздары марапатталды. Биыл олимпиада екінші рет Ғылым және жоғары білім министрлігінің қолдауымен, Халықаралық «Қазақ тілі» қоғамының бастамасымен және «Білім-Инновация» халықаралық қоғамдық қорының ұйымдастыруымен өтті, деп хабарлайды Egemen.kz.

Салтанатты шараға мемлекет және қоғам қайраткерлері, депутаттар, тіл жанашырлары, сондай-ақ қазақ тілін қолдап жүрген кәсіпкерлер қатысты.

Іріктеу кезеңіне еліміздің барлық өңірінен 9-11-сыныптың 2000-нан астам оқушысы қатысты. Үздік нәтиже көрсеткен 64 команда (192 оқушы) республикалық кезеңге жолдама алды. Финалда қатысушылар «Пікірсайыс», «Тілшілер» және «Білімпаздар» бағыттары бойынша бақ сынады.

Олимпиаданың бас жүлдесін Түркістан облысынан келген «Үшарыс» командасы иеленді. Сондай-ақ 11-сыныптың 14 оқушысына еліміздің жетекші жоғары оқу орындарының білім гранттары табысталды. Атап айтқанда, Абай атындағы Қазақ ұлттық педагогикалық университеті – 5 грант, Қазақ ұлттық қыздар педагогикалық университеті – 5 грант, SDU университеті – 2 грант, Narxoz университеті – 1 грант және Coventry University Kazakhstan – 1 грант бөлді.

Бұдан бөлек, командалар «Үздіктер», «Озаттар», «Мықтылар» және «Белсенділер» аталымдары бойынша марапатталды.

Қазылар алқасының құрамына филолог-ғалымдар, «Білім-Инновация» лицейлерінің мамандары, тәжірибелі әдіскерлер мен белгілі қаламгерлер кірді.

«Ана тілі» олимпиадасының басты мақсаты – қазақ тілін жастар арасында кеңінен насихаттау, оны ғылым мен білімнің тілі ретінде дамыту, сондай-ақ оқушылардың оқу сауаттылығы мен жазу мәдениетін арттыру. Осы бағытта Халықаралық «Қазақ тілі» қоғамы мұғалімдерге әдістемелік қолдау көрсетіп, тіл жанашырларын біріктіретін кәсіби алаңдар ұйымдастырып келеді.

«Біздің басты мақсатымыз – сөзге, әдебиетке, тілге қызығушылығы бар дарынды оқушылардың жолын ашып, оларға жаңа мүмкіндіктер ұсыну. Сонымен қатар оқушылар арасында қазақ тілі пәнінің тартымдылығын арттырып, оның зияткерлік әлеуетін көрсетуге мән бердік. Бұл олимпиада жастардың қазақ тіліне қызығушылығын арттыратынына сенімдіміз», дейді Халықаралық «Қазақ тілі» қоғамының президенті Рауан Кенжеханұлы.

Жоба қазақ тілін терең меңгеруге ынталандырып, оны жастар арасында беделді зияткерлік құндылық ретінде орнықтыруды көздейді. Ұйымдастырушылардың айтуынша, олимпиада алдағы жылдары дәстүрлі түрде жалғасады.

Шараның бас демеушісі – Freedom Holding Corp. – қаржылық қызмет көрсететін, брокерлік қызметпен, бағалы қағаздармен сауда жасаумен, инвестициялық зерттеулермен және консультация берумен, инвестициялық банктік және андеррайтингтік көрсетілетін қызметтермен, ипотекамен, сақтандырумен, телекоммуникациямен, әуе билеттері мен мәдени және спорттық іс-шараларға билеттерді онлайн сатумен айналысатын, онлайн супермаркет қызметтерін және т.б. ұсынатын әртараптандырылған компания болып саналады.

Соңғы жаңалықтар

Қазақстан Үкіметі мен Азия даму банкі 15 жаңа жобаны жүзеге асырады

Үкімет • Бүгін, 17:52

Астана маңындағы ауыл тұрғыны туыстарының денесін бөлшектеп тастаған

Оқиға • Бүгін, 17:42

Қазақстанда инфляция 11,7%-ға дейін төмендеді

Инфляция • Бүгін, 17:30

Porschist журналының Қазақстанға арналған арнайы саны жарық көрді

Туризм • Бүгін, 17:28

Айбек Дәдебай: Қасым-Жомарт Тоқаев жаңа Конституциямыздың басты авторы

Ата заң • Бүгін, 17:20

Kaspi.kz Таяу Шығыста қалған отандастарымызға қаржылай көмек көрсетеді

Саясат • Бүгін, 17:11

Референдум кезінде шалғайда жүрген азаматтар қалай дауыс береді?

Ата заң • Бүгін, 16:53

Иран Нетаньяхудың кеңсесіне соққы жасады

Саясат • Бүгін, 16:50

Мемлекет басшысы Азия даму банкі президенті Масато Канданы қабылдады

Президент • Бүгін, 16:39

Қазақстан халқының саны қаншаға жетті?

Қоғам • Бүгін, 16:39

Астанада құтқарушылар лифтіде қалып қойған балаларды шығарып алды

Төтенше жағдай • Бүгін, 16:30

Қазақстан ЭЫДҰ-ның қоғамдық адалдық жөніндегі ұсынымына қосылды

Қоғам • Бүгін, 16:21

Президент Бахрейн Королімен телефон арқылы сөйлесті

Президент • Бүгін, 16:15

«Қазцинк» ұжымы конституциялық реформаны қолдады

Ата заң • Бүгін, 16:13

Оқу-ағарту министрі: Балалар саяси текетірестің құрбаны болмауы тиіс

Оқиға • Бүгін, 16:10

Барлық жаңалықтар