​Астанада блогер Жанәбіловтардың тәркіленген iPhone дары аукционға шығарылды

Белгілі қазақстандық блогерлер Ерболат Жанәбілов пен Эльмира Төлегенованың ісі бойынша тәркіленген смартфондар ресми түрде электронды саудаға қойылды.

Мемлекеттік мүлік және жекешелендіру департаменті ұйымдастырған аукционда iPhone 16 үлгісіндегі 17 смартфон сатылымға шықты.

Сауда шарттары:

Бастапқы баға — 484 990 теңге; Қатысушылар үшін кепілдік жарна — 72 749 теңге; Аукцион 2026 жылғы 8 шілдеде сағат 10:00-де E-Qazyna порталында электронды форматта өтеді.

Бұл блогерлердің тәркіленген мүлкі алғаш рет саудаға шығарылып отырған жоқ. Бұған дейін олардың компаниясына тіркелген сегіз Hyundai Elantra көлігі де аукционға қойылған болатын.

Еске салсақ, 2026 жылғы 27 сәуірде Астана қаласының қылмыстық соты Ерболат Жанәбіловті екі жыл шартты түрде бас бостандығынан айыруға және мүлкін тәркілеуге үкім шығарды. Эльмира Төлегеноваға да екі жыл бас бостандығынан айыру жазасы тағайындалды, бірақ оның орындалуы екі жылға кейінге қалдырылды.

Бүгін, 14:46