Астанада кран құлап, жұмысшы көз жұмды

АСТАНА, 28 тамыз – Sputnik. Астанада құрылыс алаңында кран құлады, деп хабарлайды Sputnik Қазақстан.

Оқыс оқиғадан кран жүргізушісі қаза болған.

"Оқиға орнына келген полиция қызметкерлері мен жедел медициналық жәрдем бригадасы оқиғаны растады. Ер адам алған жарақатынан қаза болды", - дейді Астана қаласының төтенше жағдайлар департаментінде.

Полиция қылмыстық іс қозғады.

"Абайсызда адамның өліміне әкеп соққан құрылыс жұмыстарын жүргізу кезінде қауіпсіздік ережелерін бұзу фактісі бойынша қылмыстық іс қозғалды", - дейді қалалық полиция департаментінде.

Қазіргі уақытта тергеу жүріп жатыр.