Астанада құрылыс алаңында кран құлады видео

Астанадағы құрылыс алаңдарының бірінде мұнара краны құлады. Оқиға туралы Tengrinews.kz редакциясына оқырмандар хабарлады.

Куәгерлердің айтуынша, оқиға Төле би көшесі мен Ұлы дала даңғылының қиылысына жақын маңда, Е 908 көшесі, 22/4 мекенжайында болған.

Астана Төтенше жағдайлар департаментінің мәліметінше, оқиға орнына барған полицейлер мен жедел жәрдем бригадасы ақпаратты растады.

Оқиға салдарынан қаза тапқан адам бар.

"Ер адам өміріне қауіпті жарақат алған. Дәрігерлер оның қаза болғанын анықтады. Аталған дерек бойынша тексеру жүріп жатыр, оқиғаның мән-жайы анықталып жатыр", - делінген хабарламада.

Осыдан екі жыл бұрын Астанада қатты желден мұнара краны құлаған еді. Оқиға "Рио-де-Жанейро" тұрғын үй кешенінің құрылыс алаңында болды. Абырой болғанда, ол кезде ешкім зардап шекпеген.

Былтыр шілдеде Астанадағы құрылыс нысандарының бірінде кран құлап, салдарынан кран машинисі қаза тапқан еді.

Google News арқылы жаңалықтарымызды қадағалаңыз