Астанада тұмау мен ЖРВИ ге қарсы вакцинация жүріп жатыр: кімдер тегін ала алады

Астана әкімдігінің мәліметінше, вакцина алу үшін учаскелік дәрігерге жазылмай-ақ, қабылдау уақытында баруға болады. Диспансерлік есепте тұрған егде жастағы адамдар мен созылмалы аурулары бар науқастардың вакцинациядан өтуі аса маңызды.

Тұмау мен ЖРВИ-дің алдын алу үшін мамандар келесі шараларды ұстануға кеңес береді:

• маска тағу және антисептик қолдану;
• көп адам жиналатын орындарға баруды шектеу;
• бөлмелерді жиі желдетіп, дымқыл тазалық жүргізу;
• ауырып жүрген адамдармен қарым-қатынасты азайту;
• дұрыс және теңгерімді тамақтану;
• ауру белгілері пайда болғанда дереу дәрігерге қаралу.

Қазіргі таңда екпені 80 264 адам (55,3%) салдырды. Медициналық қызметкерлер де өздерін және науқастарын қорғау мақсатында вакцинациядан өтіп жатыр.

Қосымша ақпаратты емхананың тіркеу бөлімінен ала аласыздар. 

Айта кетелік елімізде 240 мыңнан астам адам онкология бойынша есепте тұр.