Астанадағы ТК тұрғындарын балта ұстаған қан жоса ер адам шошытты

Астанадағы тұрғын үйлердің бірінде балта ұстаған ер адам тұрғындардың зәресін алды. Қалалық полиция департаментінің баспасөз қызметі өкілдері оқиғаға қатысты пікір білдірді, - деп хабарлайды Tengrinews.kz тілшісі.

Астанадағы тұрғын үйлердің бірінде балта ұстаған ер адам тұрғындардың зәресін алды. Қалалық полиция департаментінің баспасөз қызметі өкілдері оқиғаға қатысты пікір білдірді, - деп хабарлайды Tengrinews.kz тілшісі.

Редакцияға бақылау камерасына түсіп қалған видео жолданып, болған жайттың мән-жайын айтылды. Куәгердің сөзінше, тұрғын үй кешендерінің бірінің кіреберісінде мас ер адам бір тұрғынға шабуыл жасаған.

Біз пікір алу үшін қалалық полицияның баспасөз қызметіне жүгіндік. Ведомство өкілдері бұл дерек бойынша полиция қызметкерлері 31 жастағы ер адамды ұстап, полиция бөліміне жеткізгенін хабарлады.

"Оның жөндеу жұмыстары жүріп жатқан танысының пәтерінде болғаны анықталды. Бірге ішімдік ішкеннен кейін, қолына құрылыс құралын алып, агрессив мінез-құлық көрсеткен", - деді полицейлер.

Полиция қызметкерлері оның заңға қайшы әрекеттерін де атады.

"Кейін кіреберісте жүріп, ол әйнекті сындырған, соның салдарынан өзі де жарақат алды. Оған медициналық көмек көрсетілді. Басқа тұлғалар зардап шеккен жоқ", — деп мәлімдеді баспасөз қызметі.

Ер адам қоғамдық орында мас күйінде жүргені және ұсақ бұзақылық жасағаны үшін әкімшілік жауапкершілікке тартылды. Сот шешімімен ол 15 тәулік мерзімге әкімшілік қамаққа алынып, елордалық полицияның арнайы қабылдау орнына қамалды.

Следите за нашими новостями в Google News