Көкшетау тұрғындарын қала орталығындағы қирап жатқан мүсіндер шошытты

Көкшетау тұрғындары қала орталығындағы мүсіндердің мүшкіл халіне наразы. Көпшілікке танымал сәулет ансамбліндегі жарықтар мен мүсін бөлшектерінің сынып жатқаны жұрттың үрейін туғызған, деп хабарлайды Tengrinews.kz тілшісі КТК арнасына сілтеме жасап.

Көкшетау тұрғындары қала орталығындағы мүсіндердің мүшкіл халіне наразы. Көпшілікке танымал сәулет ансамбліндегі жарықтар мен мүсін бөлшектерінің сынып жатқаны жұрттың үрейін туғызған, деп хабарлайды Tengrinews.kz тілшісі КТК арнасына сілтеме жасап.

Адам мен табиғаттың киелі байланысын бейнелейтін композиция қалалық амфитеатр мен белгілі сауда үйінің жанында - қала тұрғындары мен қонақтары көп жиналатын демалыс орнында орналасқан.

Тұрғындардың айтуынша, сәулет кешені күн санап қирап барады. Тұлпар мүсіндерін жарықтар басып, бояуы оңған. Ал асау арғымақты ауыздықтап тұрған жігіт мүсінінің тіпті темір қаңқасына дейін қолы сынып қалған.

Шенеуніктер тұрғындарды сабырға шақырып, тек осы композицияны ғана емес, сонымен қатар барлық мәдени ескерткіштер мен тоғыз саябақ аймағын ретке келтіруге уәде берген. Бұл мақсатқа 16 миллион теңге қарастырылған.

"Тұрғын үй-коммуналдық шаруашылық бөлімі биыл мердігер ұйыммен үш жылдық шартқа отырды. Қазіргі уақытта бөлім тарапынан аталған саябақты жөндеу үшін сметалық құжаттама әзірленіп жатыр", - деп түсіндірді Көкшетау қаласы әкімдігінің ТҮКШ, жолаушылар көлігі және автомобиль жолдары бөлімі басшысының орынбасары Мұрат Ғабдуллин.

ҚАЗІР ТАЛҚЫЛАНЫП ЖАТЫР

Салтанат Нүкенованың ағасы Бишімбаевтың қарындасымен “хайп“ жасады деген айыптауларға қатысты соттасты

12 мамыр 13:53 2

Қазақстанның Ибраһим келісімдеріне ресми түрде қосылу рәсімі Астанада өтуі мүмкін

27 сәуір 20:44 1

Қазақстанның Халық жазушысы Мұхтар Шаханов өмірден өтті

19 сәуір 22:47 1

Google News арқылы жаңалықтарымызды қадағалаңыз