Ата ананың зары мен балалардың шырылы... : Ләйлә Сұлтанқызы жантебірентер жазба жариялады

Тележүргізуші Ләйлә Сұлтанқызы Таяу Шығыстағы жағдайға алаңдаушылық білдірді, – деп хабарлайды Aikyn.kz.

Журналист бүгінгі бейбіт күнді бағалап, алғыс айту қажет екенін атап өтті. 

«Дүниедегі ең жаман дауыс - ата-ананың зары мен балалардың шырылы шығар. Соңғы жаңалықтардан Құдай сақтасын. Бүгін «шүкір» деген ой мен сөз бір-бірінен ажырар емес. Бүгін барымызды бағалап, алғыс айтатын күн ғой. Төбеміздегі көк аспан үшін, тегін берілетін білім үшін, халықпен ашық диалог үшін, мәдениет пен ұлттық құндылықтар үшін, көп отбасыға бақыт сыйлаған «Аңсаған сәби» бағдарламасы үшін, ауыл мен қалаға бірдей мүмкіндік жасалғаны үшін, аналар мен балаларға көрсетілген қолдау үшін, зайырлы мемлекет үшін Мемлекет басшысына рақмет! Менің, менің отбасымның, жақындарымның таңдауы - тыныш өмір», - деп жазды ол.

Сараптама, зерттеу мақала, күнделікті өзекті ақпаратты «Айқынның»  TELEGRAM  арнасынан табасыз.