Атырау облысының прокуроры түзеу мекемелерінің жұмысын тексерді

Атырау облысының прокуроры Мадияр Басшыбаев Қылмыстық-атқару жүйесі департаментіне қарасты бірқатар мекемелерге, соның ішінде №15 ерлер колониясы мен №75 тергеу изоляторына барып, олардың қызметімен танысты.

Басшыбаев сотталғандардың тұрмыстық жағдайын көріп, жеке қабылдау өткізді. Сонымен қатар, мекемелердегі қауіпсіздік пен бақылау тәртібінің заң талаптарына сәйкестігіне назар аударды.

Облыс прокуроры түзеу мекемелерінің басты міндеті — тек жазалау емес, сотталғандарды қоғамға бейімдеу екенін атап өтті. Сондай-ақ, жаза өтеушілердің құқықтарын сақтау мәселесін ерекше бақылауда ұстап, бұл бағыттағы қадағалауды күшейтуді тапсырды.

Прокуратураның үйлестіруімен №15 мекеме аумағында заманауи құрал-жабдықтармен қамтамасыз етілген модульдік ғимарат (552 м²) пен ангардың (1 760 м²) құрылысы аяқталуға жақын.

Бұдан бөлек, прокуратураның бастамасымен қазан айынан бастап вокзал мен тергеу изоляторы арасында жолаушылар автобусы қатынауда.

Жаза өтеушілердің құқықтарын қорғау — облыстық прокуратура жұмысының басты бағыттарының бірі.

Бүгін, 12:53